ƏSAS XƏBƏRLƏR
Martın 25-də Londonda Senzura İndexi-nin (Index on censorship) 10-cu İfadə Azadlığı Ödüllərinin (Freedom of Expression Awards) təqdimat mərasimi keçirilib. Azərbaycanlı vəkil, Media Hüququ İnstitutunun rəhbəri Rəşid Hacılı hüquq və təbliğat ödülü (Bindmans Law and Campaining) ilə təltif olunub. Bu ödül ifadə azadlığına yönələn təhdidlərə qarşı mübarizə aparan şəxslərə verilir.Seçim zamanı ifadə azadlığını hədələyən siyasi iqlimin hüquqi presedentlərdən istifadə etməklə dəyişdirilməsinə çalışan hüquqçu və qurumlara üstünlük verilir.Dünən Londonda keçirilən mərasimdə Rəşid Hacılı çıxış edib. O, aşağıdakıları söyləyib:
“Ifadə azadlığının qorunması, inkişaf etdirilməsi sahəsinə aid olan bu nüfuzlu və şərəfli mükafatı almağımdan çox məmnunam. Təəssüflə deməliyəm ki, dünyanın bir çox yerlərində demokratik inkişafın əsas ünsürlərindən olan ifadə azadlığı çətin günlərini yaşayır. Nisbətən azad sayılan mənim ölkəmdə son illərdə bu sahədə bəzi hadisələr baş verib. Tanınmış cəsur jurnalist Elmar Hüseynov öldürülüb...
Media Hüququ İnstitutu tanınmış cəsur jurnalist, “Azadlıq” qəzetinin baş redaktoru Qənimət Zahidin Ölkə Prezidentinin əfv sərəncamı ilə azadlığa buraxılmasını Azərbaycanda hər bir çağdaş toplumun və hər bir şəxsin tərəqqisinin əsasında duran azad və müstəqil media üçün əlverişli mühitin formalaşmasına yönəlik addımların biri olaraq müsbət qarşılayır. Sözə, hökuməti sərt tənqid edən yazılarına görə ağır cəzaya məhkum edildiyi şübhə doğurmayan Qənimət Zahidin azadlığa buraxılması qərarı ifadə azadlığı sahəsindəki ciddi əngəlləri adlayıb irəliyə doğru vacib addımlar atmaq üçün əlverişli mənəvi-psixoloji zəmin yarada bilər.
Media Hüququ İnstitutu Azərbaycanda medianın hüquqi durumu ilə bağlı növbəti hesabatını açıqlayıb. Almaniyanın Fridrix Ebert Fondunun dəstəyi ilə hazırlanan hesabat 2010-cu ilin yanvar-fevral aylarında baş verən olayları əhatə edir. Hesabatı Xalid Ağaliyevin rəhbərlik etdiyi qrup hazırlayıb.
Bosniya-Herseqovinadan olan Dunya Miyatovic ATƏT-in söz və media azadlığı üzrə nümayəndəsi təyin olunub. ATƏT-in yaydığı məlumata görə, üç il müddətinə bu vəzifəni icra edəcək Miyatovic bu postda Mikloş Haraştini əvəzləyəcək. Dunya Miyatoviç media hüquqları və qanunvericiliyin tənzimlənməsi üzrə mütəxəssisdir. 1988-ci ildə Bosniya və Herseqovina kommunikasiyaların nizamlanması agentliyinin təsisçilərindən biri olan Miyatoviç eyni zamanda Mətbuat Şurasının formalaşdırılmasında da yaxından iştirak edib. O, 2007-ci ildən Avropa Platformasının nizamlayıcı orqanının sədri olub...
ATƏT-in mətbuat azadlığı üzrə təmsilçisi Mikloş Harastinin bu vəzifədə çalışdığı 6 il sona çatır. Bu dövr ərzində yazıçı və 1976-cı ildə Macarıstanın Müxalifətçi Demokratik Hərəkatının təsisatçılarından biri olan Mikloş Harasti media hüquqları və jurnalistlərin təhlükəsizliyinin ardıcıl müdafiəçisi kimi fəaliyyət göstərib.
