Bakı şəhər İcra Hakimiyyəti “Bakı şəhərində tarixi əhəmiyyətli binaların təmiri, bərpası, fəsadlarının gücləndirilməsi, təmir-bərpası, təmizlənməsi və işıqlandırılması” layihəsinin icrası üzrə bütün bilgiləri açıqlamalıdır. Azad İqtisadiyyata Yardım İctimai Birliyinin iddia ərizəsinə baxan Səbail Məhkəməsi belə qərar verib. Qərara əsasən şəhər icra hakimiyyəti adıçəkilən layihəni kimin hazırladığı, hansı tenderlərin keçirildiyi, qaliblərin hansı meyarlar əsasında seçildiyi, nə qədər vəsait ayrıldığı, xərcləndiyi barədə bilgiləri ictimaiyyətə açıq tutmalı olacaq...