Bu hesabat ATƏT-in Bakı Ofisinin dəstəklədiyi “İnformasiya əldə etmək haqqında qanunla bağlı maarifləndirmə” layihəsi çərçivəsində hazırlanıb

“İnformasiya əldə etmək haqqında” qanunun qüvvəyə minməsindən bir il keçib. Vətəndaş cəmiyyəti qurumlarının yaxından iştirakı ilə hazırlanmış və uzun müzakirələrin nəticəsi olaraq meydana çıxmış bu qanun bir sıra keyfiyyətlərinə görə öndə gedən qanunlardan sayılır.
Bu qanun neçə işləyir? Dövlət orqanlarının bilgi sorğuları ilə işləyən, informasiya xidmətləri edən vəzifəliləri bu qanundan nə dərəcədə xəbərdardırlar? Qanunun bu və ya başqa müddəalarını necə başa düşürlər və onlara necə əməl edirlər? İnternet informasiya ehtiyatları yaradılıbmı? Saytlarda qanunun tələb etdiyi bilgilər varmı? Saytlardakı informasiyalar yeniləşdirilirmi? Bu kimi suallara cavab tapılması bu layihənin əsas məqsədlərindən idi. Sorğular verilməsinin başqa bir məqsədi isə həm sorğular verilməsində iştirak edənlərin, həm də sorğuları icra edən dövlət məmurlarının maarıfləndirilməsi məqsədini daşıyırdı...

ARAŞDIRMAÇI JURNALİSTİN YOLU MƏHKƏMƏYƏDƏK UZANIB

Pirsaat çayı üzərindəki körpünün təmirinə ayrılan vəsait təyinatına uyğun xərclənibmi? Rayonlara səfərləri zamanı körpü üzərindəki yolun narahatlığından tez-tez əziyyət çəkən, addımbaşı sürücülərin giley-güzarını dinləyən jurnalist Yaşar Ağazadə bu suala cavab tapmaq üçün 2007-ci ilin yanvarında araşdırmaya başlayıb. Məlum olub ki, Nəqliyyat Nazirliyi 2006-cı ildə Pirsaat çayı üzərindəki Qızmeydan adlanan yolda təmir işləri aparmalıymış. Bu istiqamətə lazımi qədər vəsait də ayrılıb. Rəsmi dövlət nəşri ”Azərbaycan” qəzetində dərc olunan bilgiyə görə, Maliyyə Nazirliyi 2006-cı ildə həmin vəsaitin xərclənmə vəziyyətini təftiş etməliymiş. Yolun təmirinə ayrılan vəsaitin xərclənmə dolanbaclarına gün işığı düşməsini istəyən jurnalist Nəqliyyat Nazirliyinə informasiya sorğusu göndərib...

Yasamal Məhkəməsi jurnalistin Aydın Əliyevə qarşı iddiasını təmin etdi
İnformasiya sorğusunu cavablandırmayan Dövlət Gömrük Komitəsi jurnalist Yaşar Ağazadənin bilgi əldə etmək hüququnu pozub. Gömrük Komitəsi bu pozuntunun nəticəsini aradan qaldırmalı, jurnalistin istədiyi bilgiləri ona verməlidir. Bu gün Yasamal məhkəməsinin hakimi Şahin Abdullayev belə qərar verib...

Məhkəmə bilgi sorğusunu cavablandırmayan seçki orqanını haqlı sayıb

Səbayel rayon Məhkəməsi jurnalist Yaşar Ağazadənin Mərkəzi Seçki Komissiyasına qarşı iddiasını təmin etməyib. Jurnalist seçki qurumuna ünvanladığı informasiya sorğusuna tam cavab ala bilmədiyinə görə məhkəməyə müraciət etmiş, MSK-nın üzərinə sorğunu cavablandırmaq vəzifəsi qoyan qətnamə qəbul edilməsini istəmişdi...