Media Hüququ İnstitutu “İfadə Azadlığı” bülleteninin 7-ci sayını oxuculara təqdim edir. Nəşrinə Böyük Britaniyanın Azərbaycandakı Səfirliyinin dəstək verdiyi bülleten əsasən hüquqşunaslar, hakimlər, jurnalistlər üçün nəzərdə tutulub. Bülletenə ifadə azadlığı hüququna aid ölkə içində baş verənlər, Avropa Məhkəməsinin ifadə azadlığının pozuntusu ilə bağlı qərarlar daxil edilib. Bülleten elektron və çap variantında yayınlanır.
Media Hüququ İnstitutu günahkarların cəzalandırılmasını istəyir
Bu gün “Salamnews” İnformasiya Agentliyinin əməkdaşı Zülfüqar Xeyirxəbər Bakıdakı “Karvan” kafesində baş verən partlayış olayından reportaj hazırlayarkən vəhşicəsinə döyülüb. İlkin verilən bilgilərə görə, peşə fəaliyyətini həyata keçirən jurnalist partlayış baş verən kafenin sahiblərinin hücumuna məruz qalıb. Şəxsiyyəti hələ dəqiqləşməyən iki şəxs Z.Xeyirxəbərə təpik-yumruqla çoxsaylı ağır zərbələr endiriblər. Nəticədə jurnalistin göz qapağı partlayıb, bədəni qançır olub. İlkin diaqnoza görə, jurnalist beyin silkələnməsinə də məruz qalıb...
Bakı şəhər İcra Hakimiyyəti “Bakı şəhərində tarixi əhəmiyyətli binaların təmiri, bərpası, fəsadlarının gücləndirilməsi, təmir-bərpası, təmizlənməsi və işıqlandırılması” layihəsinin icrası üzrə bütün bilgiləri açıqlamalıdır. Azad İqtisadiyyata Yardım İctimai Birliyinin iddia ərizəsinə baxan Səbail Məhkəməsi belə qərar verib. Qərara əsasən şəhər icra hakimiyyəti adıçəkilən layihəni kimin hazırladığı, hansı tenderlərin keçirildiyi, qaliblərin hansı meyarlar əsasında seçildiyi, nə qədər vəsait ayrıldığı, xərcləndiyi barədə bilgiləri ictimaiyyətə açıq tutmalı olacaq...
Fevralın 4-də Vaşinqtonda “İfadə Azadlığına 10 Əsas Təhlükə” adlanan bəyanat qəbul olunub. ATƏT-in Media Azadlığı üzrə Nümayəndəsi, BMT-nin İfadə Azadlığı üzrə Məruzəçisi, Amerika Ştatları Təşkilatının İfadə Azadlığı üzrə Məruzəçisi və Afrika İnsan və Xalq Hüquqları Komissiyasının Məruzəçisinin iştirakı ilə keçirilən tədbirdə qəbul olunan Bəyanatda növbəti onillikdə ifadə azadlığının üzləşdiyi 10 əsas problem göstərilib...
MHİ media qanunvericiliyinə hazırlanan əlavə və dəyişikliklərə etiraz edir
...Jurnalist fəaliyyəti təkcə onlara dövlət qurumlarının, rəsmilərinin, ayrı-ayrı şəxslərin könüllü verdikləri məlumatları yaymaqla məhdudlaşdırıla bilməz. Jurnalistin məlumat toplamaq hüququ sadəcə gözlə müşahidə etməklə də məhdudlaşdırıla bilməz. Araşdırma aparan jurnalist nəinki hər hansı şəxsi izləmək haqqına, eləcə də hər hansı məlumatları texniki vasitələrdən istifadə etməklə dinləmək və yazmaq haqqına sahib olmalıdır. Demokratik toplumda jurnalistin üzərinə düşən vəzifə, jurnalist fəaliyyətinin cəmiyyətə gətirdiyi fayda ayrı-ayrı dövlət qurumlarının yerinə yetirdikləri vəzifələrdən az önəmli sayıla bilməz...
... Hər kəsin, o cümlədən dövlət rəsmilərinin şərəf və ləyaqətinin toxunulmaz olduğunu vurğulamaqla yanaşı MHİ bir daha xatırladır ki, hökumətin, dövlət qurumlarının, rəsmi şəxslərin işinin hərtərəfli və dərindən çək-çevir etməyə, müzakirə və tənqid etməyə, bəzən hətta sərt tənqidi fikirlər ifadə etməyə qabil media olmadan heç bir cəmiyyət sağlam və güclü, firavan və xoşbəxt ola bilməz...
ƏSAS XƏBƏRLƏR
